បេក្ខជន​ ចាន់​ សុបញ្ញា ក្រោយពីបានច្រៀងចប់កាលពីយប់មិញ ស្រាប់តែពេលនេះប្អូនត្រូវបានចូលពេទ្យដើម្បីវះកាត់យក

នា​រាត្រី​យប់​​​ ថ្ងៃទី​១៥ ខែកញ្ញា​​​ ឆ្នាំ​២០១៩​​នេះ​ កម្មវិធី​ប្រលងចម្រៀង​ លំដាប់កំពូលល្បីទូទាំងពិភពលោក X Factor Cambodia​ បានឈានមកដល់​វគ្គ​ Live Show សប្តាហ៍​ទី​៣ហេីយ​ ក្រោមការ​រងចាំ​ទស្សនា​យ៉ាងជក់ចិត្តដិត​អារម្មណ៍​ ​ពី​ទស្សនិកជន​រាប់​លាន​នាក់​នៅទូទាំង​ប្រទេស​កម្ពុជា​ ។

យ៉ាង​ណាមិញ​ ចំពោះ​បេក្ខជន​ ចាន់ សុបញ្ញា​​ ក្នុង​សប្ដាហ៍​ដ៏ពិសេស​នេះដែរ​ គឺប្អូន​ធ្វើ​បានយ៉ាងល្អ​ខ្លាំង​តែម្ដង​ ចំពោះ​បទ​ចម្រៀង​ «អនុស្សាវរីយ៍​បាត់​ដំបង​» ដោយមានការស្រែកច្រៀងយ៉ាងមាន​ទំនុកចិត្ត​ រហូត​ធ្វើ​ឲ្យ​គណកម្មការ​ និង​ទស្សនិកជន​រាប់​លាន​នាក់​ មានការ​ពេញចិត្ត​យ៉ាង​ពេញ​ទំហឹង​តែ​ម្តង​។

ដោយ​ឡែក​ ទន្ទឹម​នឹង​នេះដែរ​ បេីយោងតាម​រយៈ​គណនី​ហ្វេសប៊ុក​ឈ្មោះ​ ជឿន​ ផានិត​ បានឲ្យដឹងថា​៖​ «យប់ថ្ងៃអាទិត្យម្សិលមិញ ក្មេងប្រុសអាយុ ១៤ឆ្នាំ ចាន់ សុបញ្ញា នៅតែក្លាហាន និង ប្រឹងប្រែងតស៊ូខ្លាំងណាស់ ទោះបីជា បញ្ញា មានជំងឺ (បូសទ្រនិច) ឈឺពិបាកទ្រាំប៉ុនណាក៏ដោយ ក៏ បញ្ញា នៅតែធ្វើឱ្យបានដើម្បីកុំឱ្យអ្នកគាំទ្រ ចាន់ សុបញ្ញា ខកចិត្ត ។ ជាពិសេសគ្រូបង្វឹករបស់គាត់តែម្ដង ថ្ងៃនេះ បញ្ញា បានចូលពេទ្យដើម្បីវះយកខ្ទុះចេញនៅមន្ទីរពេទ្យហេីយ ។ មិនបាននិយាយអ្វីច្រើនទេ សង្ឃឹមថាអ្នកគាំទ្រ បញ្ញា និង នៅតែគាំទ្រគាត់បន្ដទៀត ។ មានអ្វីជូនពរកូនតូច ចាន់ សុបញ្ញា អត់?»៕

Written by